Mirza Ghalib Famous Poetry

dil-e-naadaan tujhe hua kya hai

  aakhir is dard kee dava kya hai,

  ham hain mushtaaq aur vo be-zaar

  ya ilaahee ye maajara kya hai,

   main bhee munh mein zabaan rakhata hoon

  kaash poochho ki mudda kya hai,

   jab ki tujh bin nahin koee maujood

  phir ye hangaama ai khuda kya hai,

   ye paree-chehara log kaise hain

  gamza o ishva o ada kya hai,

   shikan-e-zulf-e-ambareen kyoon hai

  nigah-e-chashm-e-surama sa kya hai,

  sabza o gul kahaan se aae hain

  abr kya cheez hai hava kya hai,

   hum ko unse vafa kee hai ummeed

  jo nahin jaanate vafa kya hai,

   haan bhala kar tira bhala hoga

  aur daravesh kee sada kya hai,

   jaan tum par nisaar karata hoon

  main nahin jaanata dua kya hai,

   main ne maana ki kuchh nahin gaalib 

muft haath aae to bura kya hai